<?xml version="1.0" encoding="UTF-8"?><song><hymn_number>1</hymn_number>
<title>Вӧсяськонэ вӧсяськонэ МС1</title>
<lyrics>[V1]
 Вӧсяськонэ, вӧсяськонэ,
 Инмарен тон сётэмын.
 Улонын секыт дыръя но
 Тон кужым сётӥд мыным.
 Изьытэк уин улӥ,
 Мон пыдес вылам сылӥ,
 Вераськи соку мон Инмарен:
 «Кузёе, Тон кыл монэ,
 Туж секыт, жум улонэ,
 Кужыме мынам ини быре».

[V2]
 Укно сьӧрын тӧлаське но,
 Кезьыт лымыен пельтэ.
 Сыӵе тӧлын туннэ ӝытэ
 Сюлэмме но бугыртэ.
 Мугорме буйгатыса,
 Синвуэн ӝожъяськыса,
 Инмаре азьын мон сюлвори:
 «Тон ваньзэ ик тодӥськод,
 Тон ваньзэ ик адӟиськод:
 Лулпушкам жуммем-жаден пыриз».

[V3]
 Бӧрдон-куректон шедиз ке
 Мынам улон сюресам,
 Капчизэ сюрес уг куры,
 Вазёнэ таӵе мынам:
 «Курисько огзэ гинэ -
 Мед шӧдо кужмо кидэ,
 Мед луоз со котьку пельпумам.
 Секыт улон вуыку,
 Кышкытлэсь дырекъяку,
 Со ик юрттӥсе луоз мынам».</lyrics>
</song>